ជ្រកក្រោមផ្លាកកាស៊ីណូយីហោ ថ្មពេជ្រ ដែលស្ថិតនៅទីតាំងច្រកទ្វារព្រំដែនក្អមសំណរ មានសង្វៀនមាន់ជល់របស់ជនជាតិវៀតណាម សង្ស័យគ្មានច្បាប់អនុញ្ញាតបើកដំណើរការយ៉ាងរលូនគ្មានការរំខានពីសមត្ថកិច្ចពាក់ព័ន្ធធ្វើខាតបង់ថវិកាជាតិយ៉ាងច្រើនសន្ធឹកសន្ធាប់!!!?

ជ្រកក្រោមផ្លាកកាស៊ីណូ «ថ្មពេជ្យ» ស្ថិតនៅត្រង់ចំណុចច្រកព្រំដែនក្អមសំណរ ភូមិក្អមសំណក្រោម ឃុំក្អមសំណ ស្រុកលើកដែក ខេត្តកណ្តាលសង្ស័យគ្មានច្បាប់អនុញ្ញាត កំពុងដំណើរការយ៉ាងរលូនស្ទើរជារៀងរាល់ថ្ងៃ គ្មានការរំខានពី សមត្ថកិច្ចជំនាញនៅក្នុងមូលដ្ឋាននោះទេ ទីតាំងសង្វៀនមាន់ជល់ខាងលើ ថៅកែជនជាតិវៀតណាម បានជួលទីតាំងបន្តពីថៅកែ កាស៊ីណូថ្មពេជ្រ ចំណែកអាជ្ញាប័ណ្ណប្រកបអាជីវកម្មកាស៊ីណូ ថ្មពេជ្រសង្ស័យផុតសុពលភាពមិនមានការអនុញ្ញាតបន្ដទៀតនោះទេ

បើអាជ្ញាធរខេត្តនិងមន្ត្រីពាក់ព័ន្ធនៅតែបណ្តែតបណ្តោ

យទៀតធ្វើឲ្យខាតបង់ថវិការជាតិយ៉ាងច្រើនសន្ធឹកសន្ធាប់

យោងតាមប្រភពព័ត៌មានពីប្រជាពលរដ្ឋ ដែលអង្គភាពសារព័ត៌មាន ខ្មែរឈ្នះ ទទួលបាននៅថ្ងៃទី២៨ ខែមីនា ឆ្នាំ២០២៤ បានឲ្យដឹងថា ទីតាំងកាស៊ីណូជ្រកក្រោមស្លាក «កាសុីណូថ្មពេជ្រ» លួចបង្កប់ល្បែងសុីសងជល់មាន់យ៉ាងធំ ដោយមាន អ្នកលេងសុទ្ធតែ ជនជាតិខ្មែរ និងវៀតណាម ចេញចូលដោយសេរី ដោយមិនមានសមត្ថកិច្ច ឬអាជ្ញាធរមូលដ្ឋាន ចុះបង្ក្រាបនោះទេ កន្លងមកមានបទល្មើសឆក់ ប្លន់ និង លួច ហឹង្សាក្នុងគ្រួសារ សុទ្ធតែកើតចេញពីល្បែងសុីសងទាំងអស់

ប្រជាពលរដ្ឋសូមសំណូមពរដល់លោកឧត្ដមសេនីយ៍ទោ ឈឿន សុចិត្រ ស្នងការនគរបាលខេត្តកណ្តាល និងឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាអន្ដរាគមន៍ ឲ្យមន្ដ្រីជំនាញចុះត្រួតពិនិត្យ និងបង្ក្រាបទីតាំងសង្វៀនមាន់ជល់ ជ្រកកោនក្រោមផ្លាក «កាសុីណូថ្មពេជ្រ»មួយនេះផង ឲ្យស្របតាមគោលនយោបាយភូមិឃុំមានសុវត្ថិភាព។

អង្គភាពសារព័ត៌មាន ខ្មែរឈ្នះ រង់ចាំការបំភ្លឺពាក់ព័ន្ធនិងករណីខាងលើរៀងរាល់ម៉ោងធ្វើការតាមរបបអ្នកសារព័ត៌មាន សូមអរគុណ។