សារព័ត៌មាន ខេសុីធីវី អនឡាញ

 លោក ស៊ុយ សីហា តួរនាទី កាត់ទ្រនាប់ អត្តលេខ 2402074 តំណាងសហជីព រងការចោទប្រកាន់ពីសំណាក់ភាគីរោងចក្រយីហោ មីឡានណា លេឌើរវែរ អឹម.អេហ្វ.វ៉ាយ(ខេមបូឌា)ឯ.ក និងបញ្ឆប់រូបលោកពីការងារដោយចោទថាបានបិទភ្លើងក្នុងម៉ោងការងារ ស្ថិតនៅភូមិ ក្របីត្រាំ ឃុំជង្រុក ស្រុកកងពិសី ខេត្តកំពង់ស្ពឺ!!!

ផ្សាយចេញ:ថ្ងៃចន្ទ ១១ កើត ខែជេស្ឋ ឆ្នាំរោង

ឆស័ក ពុទ្ធសករាជ ២៥៦៨

ត្រូវនឹងថ្ងៃទី១៧ ខែមិថុនា ឆ្នាំ២០២៤

តាមការរៀបរាប់របស់លោក ស៊ុយ សីហា តួរនាទី កាត់ទ្រនាប់ អត្តលេខ 2402074 រងការចោទប្រកាន់ពីសំណាក់ភាគីរោងចក្រយីហោ មីឡានណា លេឌើរវែរ អឹម.អេហ្វ.វ៉ាយ(ខេមបូឌា)ឯ.ក បានប្រាប់មកបណ្ដាលអង្គភាពព័ត៌មានយើងថា លោកត្រូវបានពីភាគីរោងចក្រកាត់ដេរកាបូប បានបង្កើតរឿងចោទទៅលើរូបលោកថាបានបិទភ្លើងនៅក្នុងម៉ោងធ្វើការងាររបស់ខ្លួនលោកធ្វើអោយខុសច្បាប់ការងារមាត្រា ៨៣នៃច្បាប់ការងារ ក្រោយភាគីខាងរោងចក្រដឹងថារូបខ្លួនមានបំណងបង្កើតសហជីពក្នុងរោចក្ររបស់ខ្លួនទាំងខ្លួនលោកមិនបានប្រព្រឹត្តដូចការចោទប្រកាន់របស់រោងចក្រ។

លោកបានបន្ដប្រាប់មកសារព័ត៌មានយើងបន្តថារូបលោកពិតជាមានបំណងបង្កើតសហជីពក្នុងរោងចក្រខាងលើពិតប្រាកត់មែននឹងបានផ្ញើរលិខិតជូនដំណឹងស្ដីពីការបង្កើតអង្គការវិជ្ជាជីវ: ឈ្មោះថា សហជីពការងារសន្តិភាពកម្ពុជា មកភាគីរោងចក្រផ្ញើរតាមរយះប្រៃណីយ៍កម្ពុជា។

ក្រោយពីទទួលបានព៍ត៌មាននេះអង្គភាពព៍ត៌មានយើងបានទំនាក់ទំនងទៅមន្រ្ដីមន្ទីរការងារ និងបណ្ដាបណ្ដាលវិជ្ជាជីវៈរបស់លោកចិត្តបុរិន្ទប្រធានមន្ទីរការងារនិងបណ្ដុះបណ្ដាលវិជ្ជាជីវៈខេត្តកំពង់ស្ពឺលោកបានជម្រាបមកអង្គភាពយើងថាចំពោះការបញ្ឈប់លោក ស៊ុយ សីហា គឺផ្ដើមចេញដោយលោក ស៊ុយ សីហា បានបិទភ្លើងនៅកន្លែងការងាររបស់ខ្លួននៅក្នុងម៉ោងការងារវេលាម៉ោង ២:១០ នាទីរសៀលធ្វើឱ្យខូចនៅសង្វាក់ផលិតកម្មរបស់រោងចក្រធ្វើឲ្យខុសនៅច្បាប់ការងារមាត្រាទី ៨៣ វាជាកំហុសធ្ងន់ត្រូវតែបញ្ឈប់។

ក្រោយពីសាកសួរមន្ត្រីមន្ទីរការងារ និងបណ្ដុះបណ្ដាលវិជ្ជាជីវៈខេត្តកំពង់ស្ពឺ រួចអង្គភាពយើងបានទំនាក់ទំនងទៅខាងភាគីរោងចក្រសុំការបំភ្លឺដោយទទួលបានព័ត៌មានពីរដ្ឋបាលរោងចក្រខាងលើបានប្រាប់មកអង្គភាពយើងថារូបលោក ស៊ុយ សីហា បានប្រព្រឹត្តខុសក្នុងម៉ោងការងារដោយរូបលោកបានទៅបិទភ្លើងនៅកន្លែងការងាររបស់ខ្លួននៅវេលាម៉ោង ២:១០រសៀលធ្វើឲ្យខូចនៅសង្វាក់ផលិតកម្ម មិនតែប៉ុណ្ណោះរូបលោក ស៊ុយ សីហា បានស្រែកត្រកូបប្រកាសកម្មករឲ្យឈប់ធ្វើការងារនៅក្នុងចន្លោះរូបលោកបានម៉ោងបិទភ្លើង។

រដ្ឋបាលរោងចក្របានបន្តប្រាប់មកព័ត៌មានយើងទៀតថារាលការបញ្ឈប់ឈ្មោះ ស៊ុយ សីហា នេះគឺធ្វើឡើងដោយមានការចូលរួមពីភាគីរោងចក្រ មន្ត្រីមូលដ្ឋានគ្រប់លំដាប់ថ្នាក់មានទាំងមន្ត្រីមន្ទីរការងារនិងបណ្ដុះបណ្ដាលវិជ្ជាជីវៈខេត្តកំពង់ស្ពឺចុះធ្វើអធិការកិច្ចពិនិត្យអង្គហេតុខាងលើអមដោយ មន្ត្រីចៅហ្វាយស្រុក និងមានការចូលរួមពី លោក ចៅហ្វាយស្រុក កងពិសី ជាមួយលោក អធិការព្រហ្មទណ្ឌស្រុកកងពិសី មានទាំងប៉ូលីសតំបន់ភូមិ ជម្រុក និង អ៊ុំមេភូមិបានចូលរួមដែរ។

ជាចុងក្រោយ លោក ស៊ុយ សីហា តំណែងសហជីព និងជាកម្មករ បានសំណូមពរដល់ថ្នាក់ដឹកនាំនៃក្រសួងការងារឯកឧត្តម ហេង សួរ មេត្តាពិនិត្រករណីរបស់ខ្លួនដែលត្រូវបានភាគីរោងចក្របញ្ឈប់ពីការងារ និង សំណូមពរឲ្យភាគីរោងចក្រពិនិត្យមើលឡើងវិញ និង ទទួលយករូបលោកឱ្យបំពេញការងារធម្មតាឡើងវិញ និងស្រណោះពរដល់ខាងអ្នកបញ្ជាទិញមេត្តាពិនិត្យមើលទៅលើទង្វើរបស់រោងចក្រដែលមិនគោរពទៅតាមច្បាប់សហជីពនៃព្រះរាជាណាចក្រកម្ពុជាស្ដីពីសិទ្ធិសហជីព។

រាល់ការចុះផ្សាយពីអង្គភាពយើងខ្ញុំរង់ចាំការបំភ្លឺពីគ្រប់ស្ថាប័នពាក់ព័ន្ធរៀងរាល់ម៉ោងធ្វើការតាមរបបសារព័ត៌មាន។

និពន្ធដោយ:រស់ យូហួត