សារព័ត៌មាន ខេសុីធីវី អនឡាញ

 ខ្ញុំបាទចាងហ្វាងគេហទំព័របណ្ដាញព័ត៌មានថ្មីសូមគោរពដល់សម្ដេចពុកនិងសម្ដេចម៉ែសូមគោរពដ៏សម្ដេចបវរអធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជាសូមគោរពដល់ឯកឧត្តមឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌ដោយខ្ពង់ខ្ពស់ខ្ញុំបាទបានទទួលភាពអយុត្តិធម៌សម្រាប់ខ្ញុំបាទខ្ញុំបាទរាល់ថ្ងៃធ្វើព័ត៌មាននេះមិនដែលចង់បានអ្វីក្រៅពីចង់បានផ្លូវជាតិផ្លូវថ្នល់ឱ្យល្អនោះទេ

ជាក់ស្ដែងថ្ងៃទី 14 ខែ 12 ឆ្នាំ 2024 ខ្ញុំបាទបានទទួលដំណឹងពីបងប្អូនប្រជាពលរដ្ឋនិងប្រជាកសិករបានផ្ដល់ដំណឹងតាមរយៈលេខតេឡេក្រាមនិងតាម messenger ប្រាប់ខ្ញុំថានៅផ្លូវជាតិលេខ 5 ចាប់ពីខេត្តបាត់ដំបងរហូតដល់ខេត្តកំពង់ឆ្នាំងគឺកំពុងតែមានឡានដឹកលើសទម្ងន់ឆ្លងកាត់តាមស្ថានីយ៍ជញ្ជីងថ្លឹងរថយន្តយ៉ាងណាធិបតេយ្យពេលនោះក៏ខ្ញុំបាទបានទៅដល់ខេត្តកំពង់ឆ្នាំងនៅថ្ងៃទី 13 ខែ 12 ឆ្នាំ 2024 ខ្ញុំបាទបានព្យាយាមថតនៅមុខស្ថានីយជញ្ជីងថ្លឹងរថយន្តកំពង់ឆ្នាំងជាច្រើន វីដេអូហើយតាមការសង្កេតមើលថាឡានមួយចំនួនមិនបានចូលថ្លឹងក្នុងស្ថានីយ៍ជញ្ជីងនោះទេឯមួយទៀតចូលក្នុងស្ថានីយហើយគឺគ្រាន់តែបើកកាត់មិនមានការថ្លឹងត្រឹមត្រូវរហូតដល់ថ្ងៃទី 14 ខែ 12 ឆ្នាំ 2024 ខ្ញុំបាទបានធ្វើដំណើរទៅដល់ខេត្តបាត់ដំបងនៅវេលាម៉ោង 2:00រសៀលខ្ញុំបាទបានផ្ដិតយករូបភាពនៅត្រង់ស្ថានីយជញ្ជីងថ្លឹងរថយន្តខេត្តបាត់ដំបងនៅពេលនោះក្រោយពីខ្ញុំផ្ដិតយករូបភាពនៅម្ខាងផ្លូវចូលស្ថានីយ៍ជញ្ជីងស្រាប់តែឃើញមន្ត្រីប៉ូលីសមានឯកសណ្ឋានម្នាក់និងម្នាក់ទៀតថាជាកងកម្លាំងរាជវុធហត្ថពុំមានឯកសណ្ឋានត្រឹមត្រូវឯម្នាក់ទៀតស្លៀកពាក់ខោអាវស៊ីវិលគេបាននិយាយថាគេជាមន្ត្រីស្ថានីយជញ្ជីងថ្លឹងរថយន្តខេត្តបាត់ដំបងបានហៅខ្ញុំបាទមានបីអង្គភាពចូលទៅជួបមេមានឈ្មោះថាលោកលីខ្ញុំបាទមិនបានចូលទៅនោះទេក្រោយមកថ្ងៃទី 15 ព្រោះខ្ញុំព្យាយាមសម្ភាសន៍ប្រជាពលរដ្ឋនិងថតវីដេអូបន្ថែមទៀតអំពីឡានដឹកខ្សាច់មិនចូលថ្លឹងដែរបើកកាត់តាមស្ថានីយ៍ជញ្ជីងថ្លឹងរថយន្តរហូតដល់ថ្ងៃទី 16 ខ្ញុំបាទបានថតវីដេអូហើយបង្ហោះតាម tik tok និងផេករបស់ខ្ញុំបាទម្ដងទៀតក៏ខ្ញុំបាទបានមកវិញមកដល់ខេត្តកំពង់ឆ្នាំងលោកប្រធានស្ថានីយ៍ជញ្ជីងបានណាត់ខ្ញុំទៅផឹកកាហ្វេនៅការ៉ាស់សាំងស្ទេលាមួយកន្លែងក្បែរនិងស្ថានីយជញ្ជីងហើយកាន់លុយមួយកញ្ចប់យកទៅឲ្យខ្ញុំសូមរំលាក់ព័ត៌មានហើយយកខ្លួនឯងសម្របសម្រួលជាមួយស្ថានីយ៍ជញ្ជីងខេត្តបាត់ដំបងទៀត។នៅពេលនោះខ្ញុំបាទទាំងបីអង្គភាពបានបដិសេធថាខ្ញុំមិនយកលុយទេធ្វើម៉េចឱ្យតែកាត់បន្ថយឡានដឹកលើសទម្ងន់កុំឱ្យខូចផ្លូវទៀតក៏ខ្ញុំបាទបន្តដំណើរមករាជធានីភ្នំពេញរហូតមកដល់ថ្ងៃទី 6 មករាម៉ោង 5:00 ខ្ញុំបាទបានឃើញដីកាព្រះរាជអាជ្ញារងអមសាលាដំបូងខេត្តបាត់ដំបងបានកោះហៅខ្ញុំទៅបំភ្លឺអំពីការផ្សាយរបស់ខ្ញុំពាក់ព័ន្ធពីបទជេរប្រមាថនិងបទបរិហារគេឲ្យមានការរើសអើងពាក់ព័ន្ធនឹងលោកលីស្រាប់តែខ្ញុំបាទភ្ញាក់ខ្លួនព្រើតថាកន្លែងណាដែលខ្ញុំបានជេរទៅថ្នាក់ដឹកនាំនោះនៅពេលនោះខ្ញុំបាទយប់ហើយមិនដឹងទៅរកអ្នកណាឬមិនបានត្រៀមខ្លួនខ្ញុំបាទបានធ្វើលិខិតចូលឆ្លើយបំភ្លឺនៅថ្ងៃទី 8 ខែមករាខ្ញុំបាទបានយកលិខិតពន្យារទៅដាក់នៅរដ្ឋបាលសាលាដំបូងខេត្តបាត់ដំបងហើយក៏បានរដ្ឋបាលវ៉ៃត្រាចូលខ្លួនខ្ញុំរន្ធត់មែនទែនរហូតដល់ថ្ងៃទី 22 មករាវេលាម៉ោង 8:00 យប់ស្រាប់តែខ្ញុំឃើញដីកាចេញពីសាលាដំបូងខេត្តបាត់ដំបងនៅថ្ងៃទី 8 មករាឆ្នាំ 2025 ចេញមួយច្បាប់ទៀត

បញ្ជាក់ផងដែរថាដីកាមួយនេះគឺឲ្យខ្ញុំចូលបំភ្លឺនៅថ្ងៃទី 22 ខែមករាវេលាម៉ោង 9:00 ព្រឹកឆ្នាំ 2025រហូតដល់ថ្ងៃទី 22 ខែមករាម៉ោង 8:00 យប់បានខ្ញុំទទួលបានដីកាពីអធិការស្រុកវើនសៃ
ដូច្នេះហើយបានខ្ញុំសង្ស័យថារាល់ដែលផ្ញើដីកាមកឲ្យខ្ញុំចូលទៅបំភ្លឺនេះដូចជាឲធ្វើបាបខ្ញុំព្រោះដីកាដែលមកដល់គឺហួសម៉ោងទៅហើយមិនដឹងឱ្យខ្ញុំទៅម្ដេចទាន់ទេ។

ខ្ញុំបាទសូមគោរពនិងសូមសំណូមពរដល់សម្ដេចពុកសម្ដេចម៉ែនិងសម្ដេចបវរធិបតីហ៊ុនម៉ាណែតនាយករដ្ឋមន្ត្រីនៃព្រះរាជាណាចក្រកម្ពុជានិងឯកឧត្តមឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌សូមជួយរកយុត្តិធម៌ឲ្យខ្ញុំបាទផងទានព្រោះរាល់ថ្ងៃនេះខ្ញុំបាទរងភាពអយុត្តិធម៌ខ្លាំងណាស់។