ទីតាំងបើកលេងល្បែងជល់មាន់តាមអនឡាញ១កន្លែងក្នុងភូមិក្បាលស្ពាន ឃុំកោះចេក ស្រុកពាមជរ ខេត្ដព្រៃវែងសូមលោក ជា ហេង អធិការស្រុកពាមជរចុះពិនិត្យធ្វើការបង្ក្រាបផង!!!

ខេត្តព្រៃវែង៖ផ្សាយចេញថ្ងៃទី២៧.០៣.២០២៥ ល្បែងជល់មាន់តាមអនឡាញរឺតាមកុំព្យូទ័រ កំពង់មានវត្តមានភូមិមួយកន្លែងក្នុងភូមិក្បាលស្ពាន ឃុំកោះចេក ស្រុកពាមជរ ខេត្តព្រៃវែង ដោយកំពុងបើកដំណើរការយ៉ាងសកម្ម។

បើយើងក្រលែកមើលទីតាំងខាងលើដូចជាបើកដំណើរជារាល់ថ្ងៃដោយមានភ្ញៀវចូលលេងភ្នាល់លុយគ្នាហាក់បីជាមានភាពកក់ក្តៅពីម្ចាស់ទីតាំង ដោយលេងមិនខ្លាចញញើតសមត្ថកិច្ចក្នុងមូលដ្ឋានបន្តិចសោះរឺក៏មានការបើកភ្លើងខៀវជាប្រពន្ធ័ទៅហើយ។

ពលរដ្ឋក្នុងមូលដ្ឋានសង្ឃឹមថាលោក ជា ហេង អធិការស្រុកពាមរជរ និងពង្រឹងសមត្ថភាពរបស់ខ្លួនយកចិត្តទុកដាក់ក្នុងការចាត់មន្ត្រីជំនាញប៉ុស្តិ៍ចុះស្រាវជ្រាវដល់ទីតាំងក្នុងដែនរបស់ខ្លួនដើម្បីធ្វើការទប់ស្កាត់និងបង្ក្រាបទាន់ពេលវេលាក៏ដូចចូលរួមទប់ស្កាត់អំពើចោលកម្មផ្សេងៗនៅក្នុងស្រុករបស់ខ្លួនដូចជាចោរលួច.ចោរឆក់ កាច់ម៉ូតូជាពិសេសអំពើហិង្សាក្នុងគ្រួសារជាដើម ដូចពាក្យចាស់ពោលថា ឈ្នះល្បែងទិញរបស់ ពេលលេងល្បែងចាញ់អស់ លក់របស់លេងល្បែង ដល់ពេលអស់របស់លក់ គ្មានអីលក់លេងល្បែង មានតែបែកគំនិតចេញធ្វើសកម្មភាពដើម្បីយកលុយមកលេងផ្សងសំណាងបន្តទៀត។

ទោះបីយ៉ាងណាប្រជាពលរដ្ឋនៅតែសង្ឃឹមយ៉ាងមុតមាំចំពោះលោកអធិការស្រុកពាមជរនឹងយកចិត្តទុកដាក់ខ្ពស់ក្នុងការចុះបង្ក្រាបបទល្មើសល្បែងស៊ីសងនៅក្នុងមូលដ្ឋានរបស់ខ្លួនដែលខុសច្បាប់រឺគ្មានច្បាប់អនុញ្ញាត បានជាក់ជាមិនខានដើម្បីចូលរួមចំណែកបញ្ជៀសអំពើចោរកម្មផ្សេងៗនៅក្នុងមូលដ្ឋានរបស់ខ្លួន។

ទោះបីយ៉ាងណាប្រជាពលរដ្ឋនៅទទួលស្នើសុំលោក ឈឿន ប៊ុនឆន ស្នងការនៃស្នងការដ្ឋានខេត្តព្រៃវែងមេត្តាចាត់កម្លាំងជំនាញការិយាល័យចុះពិនិត្យដល់ទីតាំងបើកល្បែងស៊ីសងតាមប្រព័ន្ធអនឡាញធ្វើការបង្ក្រាបផងដើម្បីចូលរួមចំណែកបញ្ជាអំពើចោរកម្មផ្សេងៗនៅក្នុងមូលដ្ឋានរបស់ខ្លួនបានទាន់ពេលវេលា!!!